Pidato

Contoh Teks pidato ruwatan sukerta dalam bahasa jawa

Assalamualaikum wr.wb

Nuwun...

Para sepuh para adi sepuh ingkang sampun pana ing pamawas miwah labda ing pitutur.

Para satriyaning nagari ingkang dados pandam pandaming kawula dasih.

Ugi  Ingkang dahat kinurmatan dhumateng panjenenganipun Bapak lurah Sunoto Sp.d,ingkang sampun kersa paring sasana lan palenggahan wonten ing adicara menika.

Ugi mboten kasupen sedaya para pirawuh kakung sumawana putri ingkang mahambeg dharma asung kridha wonten ing pawiwahan agung menika.

Sugeng siyang..

Karaharjan,katentreman,karahayon,saha kamulyan sih nugrahaning Gusti Allah ingkang akarya loka mugya tansah kajiwa kasalira dhumateng panjenengan sedaya delasan kula,kacihna kula lan panjenengan sami saget manunggal wonten ing pawiwahan agung inggih punika adicara ngudi tradisi ruwatan sukerta ing desa pilangsari kecamatan kalitidu kabupaten bojonegoro.

Kayun kayuning suci kayun kayuning kalbu ...duh Allah  pangeran kula, mugya  paring kabagyan karaharjan dumateng panutan kawula sang yang suryaning jagat kangjeng nabi agung muhammad saw. ingkang sampun mbekta dhumateng kula lan panjenengan sami tumuju margining kahutaman.

Bapak ibu ingkang dahat kinurmatan.

Sagunging ingkang sampun kepareng rawuh,amit pasang kaliman tabik kula pun Rio Astra mijil Kec : Kaltidu Kab : Bojonegoro. Kula niki saking desa ngujo kec kalitidu kab Bojonegoro. ingkang sakmangke ngangsu kaweruh   jurusan Pendhidhikan Basa Jawi FBS UNESA. ngaturaken agunging panuwun dhumateng panjenengan sami ingkang sampun kersa rawuh minangkani sarini serat lan sedhahan saking kawula kangge lumampahipun adicara menika.

Selajengipun Kula sowan ing ngriki badhe matur babakan Ayo nglastantunaken tradhisi ruwatan sukerta ing Tlatah Bojonegoro.

 Bapak lan ibu ingkang kula kormati Matur agunging panuwun. Dhumateng para rawuh igkang sampun kersa rawuh ing papan Balaidesa Pilangsari ngriki.

Sampun dipun mangertosi,bilih  ruwatan menika tegesipun ngresiki  utawi angicali sukerta,nyuciaken manungsa saking kesusahan batin kanthi ngawontenaken  upacara ingkang dipun kanti nanggap wayang purwa, kanthi lampahan ‘’Murwa kala’’ ruwatan menika swijining upacara adat jawa ingkang ancasipun angicali manungsa saking bebaya,dening ingkang dados ancas mligi wontenipun upacara ruwatan menika sejatosipun nyenyuwun utawi ndonga maring Gusti allah.ing pangajap sageta dipun tebihaken saking balak godha lan rancana  . Ugi ndonga nyuwun pangapunten saking dosa-dosa lan kaluputan ingkng sampun kalampahan. Ingkang  saged  nyebabaken  bancana utawai badhe nuwuhaken balak.

Dening tata titi laksitaning adicara upacara ruwatan inggih menika nanggap ringgit purwa kanti ‘’purwakala’’ ki dhalang mangarsa wontenipun upacara cukur rikma lan siraman. Ingkang  nyukur  inggih menika katindaaken dening tiyang sepuhipun ingkang dipun ruwat,ugi dipun lajengaken upacara siraman. lajeng rambut ingkang sampun dipun cukur saget dipun larung sesarengan kaliyan sesajen ingkang sampun dipun cawisaken.

Wonten ing wekdal samangke kathah sanget cara cara ingkang kangge ruwatan sukerta,wonten ingkang cekap kanti donga saking para winasis, wonten ingkang ngangge tanggapan ringgit lan sakpanunggalanipun.

Dening tata titi laksitaning adicara upacara ruwatan inggih menika nanggap ringgit purwa kanti ‘’purwakala’’ ki dhalang mangarsa wontenipun upacara cukur rikma lan siraman. Ingkang  nyukur  inggih menika katindaaken dening tiyang sepuhipun ingkang dipun ruwat,ugi dipun lajengaken upacara siraman. lajeng rambut ingkang sampun dipun cukur saget dipun larung sesarengan kaliyan sesajen ingkang sampun dipun cawisaken.

Wonten ing wekdal samangke kathah sanget cara cara ingkang kangge ruwatan sukerta,wonten ingkang cekap kanti donga saking para winasis, wonten ingkang ngangge tanggapan ringgit lan sakpanunggalanipun

1. Bocah ontang-anting, inggih menika putra jaler

2. Bocah unting-unting, inggih menika putra satunggal pawestri

3. Uger-uger lawang, inggih menika putra kalih jaler sedaya

4. Kembang sepasang, inggih menika wadon kalih sedaya

5. Gedhana-gedhini, yaiku putra kalih jaler lan estri

6. Gedhini- gedhana, yaiku putra kalih estri lan jaler

7. Sendhang kapit pancuran, yaiku putra tiga ingkang madya pawestri

8. Pancuran kapit sendhang, yaiku puta tiga ingkang madya jaler  

9. Pandhawa lima, yaiku putra dangsal jaler sedaya.

10. Pandhawa ngayomi, yaiku putra dangsal estri sedaya.

 Bapak ibu ingkang dahat kinurmatan.                                                                          

Bilih wotenipun ruwatan sukerta menika ugi anggadhahi piwulang lan pitutur ingkang sae,antawisipun:

1          upacra ruwatan menika nedahaken raos pepiling supados menungsa saged kerep sedhekah kangge kasantosan diri.

2          upacara ruwatan menika gegayutan kaliyan pepiling bilih manungsa kedah ngormati wekdal.

3          upacara ruwatan menika saget dados sarana kangge pepiling bilih manungsa kedah ngakeni wontenipun dosa dosa ingkang smpun katindaaken,lan supados saget nyuwu pangapunten dhumateng allah swt,kanti nebihi punapa ingkang dados laranganipun lan nglampahi inkang dados utusanipun.

Bapak,ibu ingkang bagya mulya, mekaten kala wau andaran saking kula lan  saged dipun pundhut dudhutanipun  bilih ruwatan menika kelebet tradisi ingkang luhur pramila menika mangga kaula sedaya sageta nglestantunaken wonenipun tradisi ruwatan sukerta menika supados tradisi tradisi menika saget tansah ngrembaka wonten ing tlatah mbojonegoro mliginipun wonten ing ds.pilangsari kec kalitidu menika.

Sedaya ingkang sampun kepareng rawuh kula kinten cekap semanten atur kula ngrumaosi kirang pinter anggen kula ngrakit tembung sarta kirang arum bausastra kula, pramila sewu angenging samudra pangaksama, ing wasana nuwun. mugi-mugi kita saget pepanggihan malih ing wekdhal sanesipun. Mugi-mugi andharan saking kula wonten paedhahipun dhumateng kuta lan  panjenengan sedaya.matur nuwun Sugeng siyang.

Wassalamualaikum wr.wb